NHL-д 21 жилийг өнгөрvvлэхдээ тэр 915 тоглолтод оролцож, 1723 оноо (690 гоол + 1033 дамжуулалт) авсан юм.
Супер Мариогийн амьдралын хамгийн дурсгалтай мөчvvдийг эргэн дурсъя.
1984 Долдугаар сар. “Питсбург Пингвинз” баг драфтын тэргvvнээр Лемьег сонгон авлаа.
1984 Аравдугаар сарын 11. Энэ өдөр Лемье NHL-д анхны тоглолтоо “Бостон”-ы эсрэг хийж, мөн анхны гоолоо оруулсан байна.
1984-1985 Улирлын шилдэг шинэ тоглогчийн шагналыг тvvнтэй булаалдах хvн байсангvй. Тэрбээр энэ улиралд 100 оноо (43 гоол + 57 дамжуулалт) авчээ.
1985-1986 Лемье улирлын тоглолтод 141 оноо авч, мэргэн буучдын жагсаалтад агуу Уэйн Грецкигийн ард бичигдэв.
1987-1988 Лемье улирлын хамгийн vнэ цэнэтэй тоглогчийн шагналыг хvртэж, лигийн шилдэг мэргэн буучаар тодорлоо. Тэрбээр 168 оноо (70+98) авсан юм.
1988-1989 Супер Марио хоёр дахь удаагаа мэргэн буучдын жагсаалтыг манлайллаа. (85 гоол + 114 дамжуулалт).
1989-1990 Тэр бэртэл гэмтлээс болж 61 тоглолтод оролцсон ч 123 оноо авч чадав.
1990-1991 Энэ удаа тvvний удирдсан “Пингвинз”-чvvд Стэнлийн цомын эзнээр тодорлоо. Лидер тоглогч Лемье нь плей-оффт 44 оноо (16+28) авч, хамгийн vнэ цэнэтэй тоглогчийн шагналыг хvртжээ.
1991-1992 Ид торгон ирэн дээрээ байсан “Пингвинз”-чvvд аварга цолоо хамгаалж, дахин Стэнлийн цомыг хvртэв. Лемье гурав дах удаагаа улирлын мэргэн бууч болсон (131 оноо) бол плей-оффт 34 оноо авч мөн л vнэ цэнэтэй тоглогчийн алдрыг хvртэв.
1993 Нурууны хvнд гэмтлийн улмаас мэс засалд орж, улирлын ихэнх тоглолтыг өнжжээ. Тэрбээр 60 тоглолтод оролцсон ч лигийн шилдэг довтлогч болов.
1995 Аравдугаар сарын 26. “Айлендерс”-тэй хийсэн тоглолтод 500 дах гоол оо хийж, энэ амжилтад хvрсэн хурдаараа Грецкигийн дараа бичигдэв.
1995-1996 Гурав дах удаагаа улирлын vнэ цэнэтэй тоглогч болов. Мөн тав дахь удаагаа авсан оноогоор бусад тоглогчдоо манлайлжээ.
1996-1997 Лемье зургаа дахь удаагаа шилдэг довтлогч (161 оноо) болсноос гадна арав дахиа 100 онооны босгыг давж чаджээ. Тvvний өмнө ганцхан Грецки (15 удаа) орж байна.
1997 Дөрөвдvгээр сарын 6. Плей-оффын дараа Лемье зодог тайлж буйгаа зарлалаа. Удаа дараагийн гэмтэл нь тvvнийг ийм шийдвэр гаргахад хvргэсэн юм.
1999 Есдvгээр сарын 3. Лемье хамтрагч нартайгаа нийлж өөрийн төрөлх клуб “Питтсбург Пингвинз”-ийг худалдан авчээ. Ингэснээр тэр NHL-ийн багийг худалдан авсан анхны тоглогч болов.
2000 Арванхоёрдугаар сарын 8. Гурван жил орчим завсарласан мөсөн талбайдаа эргэж ирлээ. Ийнхvv Америкийн мэргэжлийн спортын тvvхэнд багийн эзэн тоглогч болсон анхны тохиолдол бvртгэгдсэн юм.
2000 Арванхоёрдугаар сарын 27. Дөчин дөрвөн сар өнжсөний эцэст анхны тоглолтоо “Торонто”-гийн эсрэг хийж 5:0-ээр хожсон байна. Уг тоглолтод Супер Марио нэг гоол оруулж, багийн андууддаа хоёр дамжуулалт өгсөн юм.
2001 Дөрөвдvгээр сар. Лемье энэ улиралд 76 оноо авсан бол баг нь плей-оффт амжилттай өрсөлдөж дорнод конференцийн финалд шалгарчээ.
2002 Гэмтлийн улмаас 24 тоглолтод оролцож, нийт 31 оноо авав. Өвөл нь Солт-Лейк Ситид болсон өвлийн олимпийн наадамд Канадын шигшээ багийг ахлаж, алтан медальд хvргэжээ.
2003-2004 Нурууны гэмтэл нь дахин шаналгах болсон тул ердөө аравхан тоглолтод оролцов. Тvvний эзгvйд баг нь 1984 оноос хойш анх удаа лигт сvvл мушгилаа.
2005 Арванхоёрдугаар сарын 16. Лемье NHL-д хамгийн сvvлийн тоглолтоо “Баффало” багийн эсрэг хийлээ. Харамсалтай нь баг нь 3:4-өөр хожигдсон. Энэ тоглолтод Лемье сvvлийн оновчтой дамжуулалтаа өгчээ.
2006 Нэгдvгээр сарын 24. Супер Марио хоёр дахь удаагаа зодог тайлж буйгаа зарлалаа.
| 
